BYTHYNNODMOEL YR IWRCHCOTTAGES
Wedi ei hesgeuluso am flynyddoedd gan nad oedd yn cwrdd â gofynion amaethyddiaeth modern, mae’r hen ‘sgubor hyfryd hon wedi cael ei hachub rhag mynd yn adfail a wedi cael ei thrawsnewid i fod yn lety gwyliau moethus a chyfforddus dros ben.
Rydym wedi ceisio ein gorau i gadw golwg allannol y ‘sgubor yn driw i’w edrychiad gwreiddiol, gan gadw’r nodweddion traddodiadol yn eu lle.
Mae Ysgubor Iwrch bellach yn cynnig llety moethus mewn lleoliad perffaith i fwynhau gwyliau bythgofiadwy yn Eryri, Gogledd Cymru.
Mae teimlad agored, brâf i du mewn Ysgubor Iwrch. Mae’r llawr waelod yn un ystafell fawr agored, gyda chegin fodern ar un ochor a lolfa gyfforddus ar y naill. Yn ganolbwynt i’r ystafell mae grisiau pren i’r llawr cyntaf. Mae’r ochrau gwydyr i’r grisiau yn ychwanegu at y teimlad agored ac yn rhoi naws gyntefig i’r ystafell. Mae bwrdd bwyta derw wedi’w leoli o flaen y drysau patio llydan sydd yn agor allan i’r ardd gefn.
Mae’r gwres odditan llawr yn sicrhau tymheredd cytbwys trwy’r bwthyn i gyd. Os bydd angen gwrês ychwanegol, neu os am greu awyrgylch gysurus, mae’r stôf goed ar gael.
I fyny’r grisiau mae dwy lofft gyda gwlae hynod gyfforddus. Mae’r ffennestri mawr yn y ddwy lofft yn cynnig golygfeydd hyfryd o’r caeau a’r bryniau o’n cwmpas.
Mae’r ystafelloedd ymolchi wedi’w ffitio i safon uchel.
Cyfleusterau
- Gwres oddi tan y llawr
- Mynediad i’r we (mae cyfyngiadau – gwelir ‘Gair i Gall’)
- Stôf goed gyda chyflenwad o goed tân
- Popty meicrodon
- Popty trydan & hob
- Peiriant golchi llestri
- Oergell / rhewgell
- Peiriant golchi dillad
- Sychwr dillad
- Haern smwddio
- Sychwr gwallt
- Teledu sgrin fflat yn y lolfa a’r prif lofft
- Chwaraewr DVD’s
- Dillad gwlae cotwn a thyweli moethus
- Cot & chadair uchel ar gael
- BBQ
- Gardd caedig
- Dim cwn
Ystafell Wely 1 gwely maint ‘brenhinol’ gyda dillad gwlae cotwn, dodrefn derw, wardrôb fawr, teledu sgrin fflat ac ystafell folchi ‘en-suite’ gyda chawod law foethus. Ffennest fawr gyda golygfeydd brâf. Ffennest ‘sky light’ yn y tô.
Ystafell Wely 2 dau wely sengl gyda dillad gwlae cotwn a dodrefn derw. Ffennest fawr a ffennest ‘sky light’ yn y tô.
Ystafelloedd molchi
Ceir bath gyda chawod uwch ei ben yn yr ystafell folchi deuluol, a chawod ‘law’ yn yr ‘en-suite’ sydd yn arwain o’r prif lofft
Tu allan
Mae drysa ‘patio’ mawr yn arwain allan i’r ardd gefn, gyda lawnt a phatio llechi. Ardal berffaith i ymlacio a mwynhau’r olygfa.
Mae peiriant golchi dillad a sychwr dillad wedi’w lleoli yn yr adeilad oddiar yr ardd gefn.
Mae’n bwysig iawn i ni eich bod yn gwybod yn union beth i’w ddisgwyl pan rydych yn archebu lle i aros yn Hafod Iwrch. Rydym wedi ceisio bod mor onest a phosib tra’n disgrifio y llety…..
Mynediad i’r ŵe – gan ein bod mor wledig rydym yn gallu cynnig mynediad cyfyngedig i’r ŵe yn unig. Mae’n gweithio’n hwylus ar gyfer darllen ebŷst, edrych ar Facebook a phori gwefannau. Yn anffodus, ni fedran ganiatau defnyddio’r cysylltiad i wylio fidios, chwarae gemau neu i lawrlwytho ffeiliau mawr. Mae nifer o lefydd lleol lle gellir cael mynediad i’r ŵe yn rhad ac am ddim.
Mae signal ffonau symudol yn tueddu mynd a dwad ym Moel yr Iwrch. Fel arfer, ni ellid derbyn signal tu fewn i’r bythynnod ond mi fedrwch wneud galwadau yn y cae drws nesaf neu trwy gerdded ‘chydig i fyny’r ffordd. Mae ein ffôn tŷ wastad ar gael mewn argyfwng.
Gwres
Mae’r gwres oddi tan y llawr yn sicrhau tymheredd cytbwys trwy’r bwthyn i gyd. Mae’r stôf goed yn cynnig gwres ychwanegol os bydd angen.
Cyrraedd
Cewch fynediad i’r bythynnod o 4 o’r gloch ymlaen ac rydym yn gofyn yn garedig i chwi adael am 10 o’r gloch y bore.
Gwpiau mawr. Gellir llogi Ysgubor, Hafod a Stabal Iwrch gyda’i gilydd i gysgu hyd at 12 o bobol – lleoliad delfrydol am Nadolig neu Flwyddyn Newydd deuluol.